Бабунски избран за најдобар фудбалер во Унгарија за февруари

Македонскиот репрезентативец Доријан Бабунски кој денеска даде гол за победа со 1-0 против Кишварда на гости и е во страшна форма со шест гола во вториот дел од сезонава која почна пред крајот на јануари, е избран за најдобар фудбалер во унгарската елита за минатиот месец.

Бабунски незапирливо ги тресе мрежите, па сезонава веќе дојде до двоцифрен ефект на голови, десет во 21 настап за Дебрецин и во моментов е најдобар фудбалер и на својот тим, а и прво име меѓу напаѓачите, па познатиот унгарски медиум „М4 Спорт“ му ја додели наградата за прв играч во првенството.

Ова е само дополнителна мотивација за Бабунски, кој со оваа извонредна форма навреме доаѓа за една недела за стартот на евроквалификацискиот циклус на Македонија против Малта во Скопје.

Извор: sport1.mk

Share on Facebook

Tweet

Follow us

Save