INFOMAX.MK

Претседателот на САД, Џо Бајден, синоќа отвори средба со лидерите на земјите од југоисточна Азија со ветување од 150 милиони долари за изградба на инфраструктурата, безбедноста, спремноста да се справат со пандемијата и други напори во тие земји.

Со лидерите од Асоцијација на држави од Југоисточна Азија (АСЕАН) Бајден се сретна на свечената вечера синоќа во Вашингтон, а денеска во Стејт департментот започнуваат дискусиите со лидерите на Брунеи, Индонезија, Камбоџа, Сингапур, Тајланд, Лаос, Виетнам, Малазија и Филипини.

И покрај одземеното внимание со војната во Украина, со овој настан Администрацијата на Бајден се надева да покаже дека Вашингтон останува посветен и фокусиран на Тихоокенскиот регион и долгорочните предизвици од страна на Кина, во која САД гледаат главен конкурент на светската сцена.

Новите финансикски бврски кон овие земји вклучуваат инвестиции во инфраструктурата во висина од 40 милиони долари насочени кон нула издувни гасови во енергетиката, 60 милиони долари за безбедноста на морските води, 15 милиони за здавството за рана детекција на Ковид-19 и други пандемиски болести.