Бајден најави одмазда за убиството на тројцата американски војници во Јордан

Тројца американски војници загинаа, а неколкумина се ранети во напад со дрон врз американските сили стационирани во североисточниот дел на Јордан во близина на сириската граница, изјави во неделата претседателот Џо Бајден, обвинувајќи ги групите поддржани од Иран за нападот.

„Додека сè уште ги собираме фактите за овој напад, знаеме дека тој беше извршен од радикални милитантни групи поддржани од Иран и кои дејствуваат во Сирија и Ирак“, рече Бајден во изјавата.

Ова се првите жртви меѓу американските војници од почетокот на војната во Газа.

Бајден рече дека нападот се случил во саботата вечерта, а Белата куќа соопшти дека претседателот бил известен во неделата наутро.

„Ќе ја продолжиме нивната посветеност во борбата против тероризмот. И не се сомневајте – секој кој стои зад нападот ќе одговара во моментот и на начинот на кој ќе избереме“, додаде тој.

Во изјавата на Бајден не се наведува колку војници се ранети, но Си-Ен-Ен наведува дека станува збор за најмалку дваесет лица.

Share on Facebook

Tweet

Follow us

Save