INFOMAX.MK

Лидерот на партијата “Напред Италија”, поранешниот премиер Силвио Берлускони изјави дека влезот на Украина во НАТО ќе доведе до светска војна, пренесе новинската агенција ЛаПрес.

„Премногу често слушаме за акции со нуклеарни бомби. Господ да нè спаси од оваа опасност. Украина дури побара да влезе во НАТО. Ако влезе во НАТО, оваа војна ќе стане светска војна“, ги цитира агенцијата зборовите на политичарот.

Во разговор со сопартијците, Берлускони, според LaPresse, зборувал и за размената на подароци со рускиот претседател Владимир Путин, со кој имал долгогодишно пријателство. Во јуни, италијанскиот политичар со негодување изјави дека двапати му се јавил на Путин, но не добил одговор. Берлускони во април изјави дека е „разочаран и вознемирен“ од Путин поради борбите во Украина.

По средбата со парламентарците и објавувањето на нотата, Напред, Италија излезе со демант на оваа информација. Според извори во партијата, цитирани од весникот La Repubblica, Берлускони раскажал стара приказна од пред неколку години.