Блумбepг: Европските регулатори се coмневаат дека бycтер дозите можат да го koмпpoмитираат имyнитeтот

Регулаторите на Европската унија предупредија дека честите засилувачи дози од вакцината против Ковид-19 може негативно да влијаат на имунолошкиот систем и можеби не се изводливи.

Според Европската агенција за лекови, повторените дози на засилувачи (бустер додзи) на секои четири месеци на крајот би можеле да го ослабат имунолошкиот систем и да ги изморат луѓето. Наместо тоа, земјите треба да остават повеќе време помеѓу бустерите и да ги поврзат со почетокот на студената сезона на секоја хемисфера, следејќи го планот утврден со стратегиите за вакцинација против грип, вели агенцијата.

Советите доаѓаат откако некои земји ја разгледуваат можноста на луѓето да им понудат втори засилувачки дози во обид да обезбедат дополнителна заштита од зголемените инфекции со омикрон. На почетокот на овој месец Израел стана првата нација што почна да дава втор засилувач, или четврт вакцина, на оние над 60 години. Британија соопшти дека засилувачите обезбедуваат добри нивоа на заштита и дека во моментов нема потреба од втор засилувач. но ќе ги прегледа податоците како што се развиваат.

Засилувачите „може да добиете еднаш, или можеби двапати, но тоа не е нешто што можеме и треба постојано да се повторува“, рече Марко Кавалери, раководител на Европската агенција за лекови одговорен за биолошки здравствени закани и стратегија за вакцини, на брифинг со новинарите во вторникот. „Треба да размислиме како можеме да преминеме од сегашното опкружување на пандемијата во ендемично опкружување“.

Регулаторот на ЕУ, исто така, на брифингот рече дека оралните и интравенозните антивирусни лекови, како Паксловид и Ремдесивир, ја одржуваат својата ефикасност против омикрон. Агенцијата соопшти дека април е најбрзо што може да одобри нова вакцина насочена кон одредена варијанта, бидејќи процесот трае околу три до четири месеци. Некои од најголемите светски производители на вакцини рекоа дека гледаат на производство на вакцини кои би можеле да таргетираат нови варијанти.

Извор: Блумберг

Share on Facebook

Tweet

Follow us

Save