„Борбата за подобра Македонија никогаш не запира“: Арсовска го отвори изборниот штаб на „Нова Алтернатива“ во Струмица

Градоначалнилчката на Град Скопје и лидер на партијата „Нова Алтернатива“, Данела Арсовска, денеска го отвори изборниот штаб на партијата во Струмица.

– Борбата за подобра Македонија никогаш не запира. Денес продолжуваме во Струмица каде го отворивме изборниот штаб на “Нова Алтернатива”.

Насмеани луѓе, храбри и одлучни заедно здружени конечно да ставиме крај на погубните политики поради кои во Македонија секоја година сѐ полошо се живее, сѐ повеќе млади се иселуваат затоа што не веруваат дека има правда. Да ставиме крај на тридецениското самоволие и неказнивост.

Нова енергија, нови луѓе, НОВА АЛТЕРНАТИВА! – напиша Арсовска на Фејсбук.

Share on Facebook

Tweet

Follow us

Save