Борел: Блискиот Исток е на работ на војна од непознати размери, да се спречи нова катастрофа

Високиот претставник на ЕУ за надворешна политика и безбедност, Жосеп Борел, денеска предупреди дека Блискиот Исток е на „работ на војна од непознати размери“ и повика да се спречи „уште една катастрофа“.

Борел на социјалната мрежа Х изјави дека патот кон напредокот се заснова на консензус за итен прекин на огнот во Газа и рече дека секој што ќе „застане на патот на деескалација“ ќе одговара.

„Тензиите продолжуваат да ескалираат на Блискиот Исток, доведувајќи го на работ на војна од непознати размери. Сите ние мора да спречиме нова катастрофа. Патот напред е главно консензуален: прекин на огнот во Газа, сега. Сите оние кои стојат на патот на деескалација ќе бидат повикани на одговорност“, изјави Борел.

Share on Facebook

Tweet

Follow us

Save