Борис Џонсон го отпеа познатиот хит „I will survive“

Премиерот на Обединетото Кралство Борис Џонсон деновиве е на удар на јавноста поради низа политички скандали, а на прашањето дали ќе го преживее сето тоа, премиерот наместо да одговори го испеа познатиот хит на Глорија Гејнор.
„Со длабок глас, полека и намерно ми ја пееше „Ќе преживеам“. Деведесет проценти од нашиот разговор беше многу сериозен, но тој е таков лик што мора да има и шега“, изјави за порталот Golwg360 Гуто Хари, кој од саботата е нов директор за комуникации во владата на Борис Џонсон.
Хари е поранешен новинар на Би-Би-Си, а работеше за Џонсон додека британскиот премиер беше прв човек во Лондон.
Хари истакна дека по хитот во диско, тие добро се насмеале заедно, но потоа седнале и имале сериозни разговори за тоа како да ја вратат владата на вистинскиот пат и како да одат напред.
„Деведесет проценти од нашиот разговор беше многу сериозен, но тој е таков лик и мора да е шега“, додаде тој.
Петмина соработници го напуштија Џонсон минатата недела, од кои тројца поради забава во резиденцијата на британскиот премиер за време на карантинот што важеше за сите Британци. Хари е еден од првите новоименувани луѓе, по шефот на кабинетот Стив Баркли.

Share on Facebook

Tweet

Follow us

Save