Британија мака мачи со Албанците: Го избегнуваат законот за депортација

Повеќе од 1.000 албански криминалци моментално се во Велика Британија и речиси сите, освен 25, се обидуваат да ги злоупотребат законите за модерно ропство и човекови права за да се обидат да останат во земјата, објави лондонски сан, пренесува Танјуг.

Сексуалните предатори, насилниците и дилерите на дрога се обидуваат да го срушат британскиот правен систем и да спречат депортација.

Како што пренесува Сан, извори од Министерството за внатрешни работи навеле дека „шокантни“ правни пречки им овозможуваат на „опасните“ осуденици „слободно да шетаат по британските улици“.

Алармантни бројки до кои имал пристап британскиот таблоид откриваат дека моментално во Обединетото Кралство живеат 1.068 албански осуденици, во или надвор од затвор, на кои им се заканува депортација.

Сепак, според весникот, секоја третина од нив тврди дека е жртва на трговија со луѓе за да се избегне репатријација. Меѓу нив има 268 баратели на азил, 95 поднеле жалби на одбиени барања за азил, додека голем дел од нив се однесуваат на други законски оправдувања за престој во државата. Само 25 албански криминалци ги исполнуваат законските услови за депортација.

„Ова е шокантен пример за правните пречки што им стојат на патот на тимовите за спроведување на имиграцијата во справувањето со опасните странски криминалци“, изјави за британскиот таблоид извор близок до секретарот за внатрешна безбедност Сули Браверман.

Share on Facebook

Tweet

Follow us

Save