Британија сака да купи борбени авиони способни да носат нуклеарно оружје!

Велика Британија сака да купи борбени авиони способни да испукуваат тактичко нуклеарно оружје, како одговор на вооружувањето на Русија. Владата на Сер Кир Стармер е во многу чувствителни разговори за овој потег, што би претставувало најголем развој во одбраната на Велика Британија од Студената војна и признание дека светот влезе во поопасна нуклеарна ера, пишува „Тајмс“.

Џон Хили, министерот за одбрана, и адмиралот Сер Тони Радакин, шефот на вооружените сили, бараат да набават борбени авиони произведени во Америка способни да лансираат гравитациски бомби со помала моќност од конвенционалните нуклеарни бомби.

Стармер, исто така, даде поддршка и се верува дека се одржале разговори со Пентагон. Премиерот се подготвува да го започне стратешкиот одбранбен преглед во понеделник од британско бродоградилиште. Прегледот, иако не се обврзува конкретно на капацитетите за лансирање од воздух, препорачува Велика Британија да размисли за проширување на својот придонес во заедничкото нуклеарно одвраќање на НАТО во Европа. Во интервју за „Сандеј тајмс“, Хили одби да коментира за разговорите, но призна дека Велика Британија мора да се прилагоди на „новата ера на закана“ со која се соочува. „Светот дефинитивно станува се поопасен. Нуклеарните ризици се зголемуваат“, рече тој. „Сега се соочуваме, за прв пат од крајот на Студената војна, со сериозно зголемени ризици од конфликт меѓу држави.“

Share on Facebook

Tweet

Follow us

Save