Бугарија конечно избра претседател на Собранието, следува прв обид за состав на нова Влада

На десеттиот обид, Народното Собрание на Бугарија избра нов претседател. Наталија Киселова од БСП избрана за претседател на 51-то Собрание на Бугарија. Сега следува доделување на првиот мандат за состав на нова Влада, пренесува 4њуз.мк.

Денеска претседателот на Бугарија Румен Радев од Париз каде учествува на свеченоста за отворање на катедралата Нотр Дам изјави дека во вторник ќе го додели првиот мандат за состав на Влада, тој ќе го добие победникот на изборите односно ГЕРБ на Бојко Борисов.

Според него, консултациите ќе покажат дали има потенцијал за формирање на редовна Влада. Шефот на државата повика да не се губи надежта за редовна власт – неможноста за таква ќе значи колапс на 51-от парламент, а пред него има „ужасни многу задачи“.

Румен Радев на 9 декември во Стразбур ќе се сретне со генералниот секретар на Советот на Европа, Ален Берсе, како и со раководители на различни тела во рамките на најстарата европска политичка организација, основана по Втората светска војна и повикани да ја бранат правата на човекот, демократијата и владеењето на правото во европските земји.

Share on Facebook

Tweet

Follow us

Save