(Видео) Автомобил со полна брзина удри во Бакингемската палата: Големо апсење во Лондон

Британската полиција интервенираше рано утринава откако автомобил влета во портите на Бакингемската палата.

Локалните медиуми јавуваат дека еден маж е уапсен.

– Ставете ги рацете на главата! – На драматичната снимка се слушаат полицајци како викаат кон возачот.

Очевидец рекол дека слушнал „силен тресок“ додека возилото се пробило низ портите на познатата кралска резиденција во центарот на Лондон.

– Слушнав силен тресок и кога погледнав таму видов дека автомобилот влетал во Бакингемската палата – рекол тој очевидец, пренесува Метро.

Дејли Мејл пренесува дека лондонската полиција потврдила дека против уапсениот е поднесена кривична пријава.

– Околу 2 часот и 33 минути во ноќта меѓу саботата и неделата автомобил удрил во капијата на Бакингемската палата. Вооружени полицајци на лице место привеле лице осомничено за кривично дело. Тој е пренесен во болница – соопшти полицијата.

Во соопштението за медиумите се наведува дека „нема извештаи за повредени“.

– Истрагата е во тек за утврдување на околностите – соопшти лондонската полиција.