INFOMAX.MK

Новата видео снимка од пукањето во училиштето во Тексас, на кое се гледа како полицајците чекаат повеќе од еден час за да интервенираат и да го совладаат вооружениот напаѓач, предизвика бес и револт.

Бруталниот напад кој го вознемири светот се случи во основното училиште Роб во градот Увалде, на 24 мај, кога младиот Салвадор Рамос влегол во училиштето со пушка и уби 19 деца и двајца наставници.

Застрашувачките снимки од надзорните камери, од мобилен телефон и боди камера беа објавени од весникот од „Остин Американ Стејтсмен“ и локалната телевизија KVUE.

Снимката, која роднините на жртвите бараа да се објави, но властите никогаш не го направија тоа, ги става органите на прогонот во уште потешка позиција. Начинот на кој тие дејствуваа директорот на Тексашката служба за јавно здравје, Стивен Макро ја нарече „апсолутен неуспех“.

Речиси час и 15 минути (конкретно 74 минути) се прикажуваат десетици тешко вооружени полицајци како пристигнуваат, без никој да влезе во училницата каде што биле напаѓачот, средношколец и неговите млади жртви.

Видеото започнува со пристигнувањето на 18-годишникот на местото на трагедијата: тој губи контрола над автомобилот што го вози во близина на основното училиште Роб и удира во ограда. Двајца притрчаат да му помогнат, но тој ги поздравува со пукање. Додека бегаат, тој е сликан како оди кон училиштето.

Следниот кадар е клип од повикот на 911 од училишен работник во 11:32 часот. Се слуша како вработен во училиштето им вика на децата „одете на часови!“.

Во 11:33 часот, младиот човек смирено влегува во училиштето, поминувајќи низ ходникот со прамен од косата преку окото, држејќи ја пушката со цевката вперена кон подот.

Во аголот на ходникот се појавува мало момче, кое сака да го следи, но го виде како вперува пиштол во соба и пука, па побегна викајќи.

Оттогаш се слушаат последователни истрели, околу три минути, до доаѓањето на првите полицајци, во 11:36 часот.

Има најмалку осум полицајци, држат пиштоли во раце и носат панцири. Прво, тие се движат кон училницата. Се слушаат истрели. Тие се повлекуваат во ходникот.

Триесет и шест минути подоцна, тие се уште се на истото место, но пристигна повеќе полиција, опремена со пушки, непробојни штитови, па дури и шлемови.

Сега нивните сили се најмалку дваесет, од различни единици. Но, тие се уште не се движат кон салата.

Вознемирувачки детаљ: во 12:30 часот, некој истура гел за дезинфекција во рацете од контејнер на ѕидот.

Во 12:50 часот се слушаат пукотници. Убиецот сега е неутрализиран од полициските сили. Видеото запира.

Шенон Вотс, основач на Здружението Moms Demand Action, која се залага за построги закони за оружје, ја коментираше снимката преку Твитер.

„Полицијата во борбена опрема чека во училишниот коридор, па дури и застанува да стави средства за дезинфекција на рацете додека се масакрираат децата и наставниците“, реагираше таа, барајќи поголема транспарентност за полициските неуспеси.

Започнати се различни истраги, вклучително и една од Министерството за правда, но нивните наоди сè уште не се објавени во јавноста.