INFOMAX.MK

Осум лица се уапсени по вчерашните инциденти во повеќе градови низ Македонија за време на прославите по повод Денот на албанското знаме, соопшти денеска на прес-конференција министерот за внатрешни работи Панче Тошковки.

Според информациите на Инфомакс до МВР биле пријавени нешто повеќе од 750 НАСТАНИ во текот на вчерашниот ден и за време на инцидентите. Министерот денеска истакна дека полицијата соодветно постапила по вчерашните настани, дека ќе бидат поднесени најмалку три кривични пријави и дека МВР работи совесно и одговорно. Како МВР работи совесно и одговорно кога по повеќе од 750 пријави приведени се само ОСУМ лица, се уште е нејасно.

Министерот денеска на прес-конференција во СВР Скопје истакна дека вакви настани имало и ќе има, слично како и неговата претходна изјава дека „убиства имало и ќе има“. Според Тошковски убиства и вакви настани ќе има, успех е доколку сепронајдат сторителите.

На прашање на Инфомакс како министер за внатрешни работи може да си дозволи да даде таква изјава, каде е превентивната улога на МВР и како успех е да се пронајде убиец, наместо да се спречи убиство, Тошковски не даде соодветен одговор.