INFOMAX.MK

Канадскиот премиер Џастин Трудо најави замрзнување на личните банкарски сметки на демонстрантите кои се противат на епидемиолошките мерки воведени поради пандемијата Ковид-19.

Трудо се повика на Законот за вонредни состојби, наведувајќи дека опсегот на мерки ќе биде, како што наведе, временски ограничен, разумен и пропорционален и дека армијата нема да биде распоредена, јави Танјуг.

Според новите мерки, банките ќе можат да ги замрзнат личните сметки на сите вклучени во протестите, без потреба од судски налог.

„Ова е за заштита на Канаѓаните и заштита на работните места на луѓето“, рече Трудо на прес-конференција во понеделникот.

Вицепремиерката Кристи Фриленд рече дека банките ќе можат да ги замрзнат личните сметки на сите вклучени во протестите без потреба од судски налог, а исто така најави дека овластувањата на законот за финансирање тероризам ќе се прошират за да ги опфатат криптовалутите и платформите за групно финансирање.

„Се работи за следење пари“, рече таа, откако хакерите објавија детали за 93.000 донации за камионџии на платформата за собирање средства „GiveSendGo“ во вкупна вредност од 8,4 милиони долари.

Да потсетиме, канадската полиција во понеделникот, по еднонеделна блокада, ги отстрани преостанатите демонстранти од мостот „Амбасадор“ во градот Виндзор, кој е клучен граничен премин и главна рута за трговија меѓу Канада и САД.

Протестите најпрво започнаа како бунт на камионџиите против новото правило дека мора да се вакцинираат за да ја поминат американско-канадската граница, за брзо да прераснат во широки демонстрации против ограничувањата за Ковид.

WATCH: Deputy Prime Minister Chrystia Freeland warns protesters that their trucks can be seized, their corporate accounts frozen and vehicle insurance suspended.

Full story: https://t.co/oHT3pO7R9w pic.twitter.com/dSCr38fr6y

— Toronto Star (@TorontoStar) February 14, 2022