INFOMAX.MK

Жителите и спасувачите во уништениот либиски град Дерна се обидуваат да се справат со илјадниците трупови кои се распаѓаат под урнатините. Светската здравствена организација и другите хуманитарни групи ги повикаа властите во Либија да престанат да ги закопуваат жртвите од поплавите во масовни гробници, велејќи дека тие можат да предизвикаат долготрајна емоционална болка за семејствата или да претставуваат ризици по здравјето ако се во близина на вода.

Во извештајот на ОН се вели дека повеќе од 1.000 луѓе се закопани на тој начин откако Либија, нација поделена со децениски конфликти и политички хаос, беше погодена од силен дожд во неделата што предизвика пукање на две брани.

Илјадници се убиени, а илјадници се водат за исчезнати, бројот на загинати во моментов е 11.300, соопшти либиската Црвена полумесечина, но се стравува дека бројот сигурно ќе биде многу поголем.

„Тела се закопани на улиците, под урнати згради и урнатини. За само два часа, еден од моите колеги изброи над 200 тела на плажата кај Дерна“, изјави Билал Саблух, менаџер за форензика за Африка при Меѓународниот комитет на Црвениот крст (МКЦК).

Las imágenes muestran la devastación de las inundaciones provocadas por la tormenta Daniel en la ciudad libia de Derna. pic.twitter.com/uhWdbsWC43

— Tribuna Digital7 (@TribunaLibreES) September 16, 2023