(Видео) И Мицкоски спремил одело за во Влада: По консултациите на Ковачевски со партиското раководство, ќе се договараат деталите за влез на ВМРО-ДПМНЕ во Влада

По вчерашната лидерска средба во клубот на пратеници, Христијан Мицкоски и Димитар Ковачевски повеќе од очигледно е дека постигнале договор за влез на ВМРО-ДПМНЕ во владата на СДСМ.

Мицкоски вчера истакна дека прифаќа да биде дел од една таква Влада со единствен услов ДУИ да не биде дел од истата.

Денеска Мицкоски од Кочани потврди дека влегува во Владата на Ковачевски.

-Ова е преодна Влада која ќе има важност до организација на изборите. Потоа граѓаните ќе одлучат, добро е да сме дел од тој процес.

Ковачевски за утре свикува итни седници на Извршниот и Централниот одбор на СДСМ.

Состаноците на највисоките тела на партијата доаѓаат веднаш после одржувањето на лидерската средба а повод се промената на ставот на ВМРО-ДПМНЕ и Мицкоски кои ги прифатија уставните измени нивно учество во Влада за европска иднина.

Во вакви нови околности заседаваат органите на партијата а очекувано е темата да биде начинот и формата со којашто ќе продолжат разговорите со ВМРО-ДПМНЕ.

Share on Facebook

Tweet

Follow us

Save