(Видео) Маж дивеел на аеродром во Милано – запалил шалтер, канти за ѓубре и напаѓал персонал

Туристи денес бегаа од меѓународниот аеродром Малпенса во Милано откако маж запали шалтер за пријавување за време на напад на бес, пред да биде совладан и уапсен, објави Дејли Меил.

Мажот, чие име не е објавено, беше приведен на Терминал 1 во среда откако наводно беснеел низ аеродромот користејќи чекан, палејќи канти за ѓубре и откако нападнал персонал.

Снимките од аеродромот покажаа црн чад како се издига од терминалот додека патниците бегаат од местото на настанот. Подоцна се појавија слики на кои се гледа како осомничениот е соборен на земја. Локалните медиуми објавија дека бил запрен од персоналот.

Италијанскиот портал „Варезе њуз“ објави дека еден вработен интервенирал откако забележал дека чад се шири низ целиот аеродром, додека осомничениот наводно „ги уништувал параваните помеѓу шалтерите 12 и 13“.

Аеродромот за момент бил кратко евакуиран, а потоа продолжил со работа.

ЛИНК ОД ВИДЕОТО

Share on Facebook

Tweet

Follow us

Save