(Видео) Македонска фолклорна група од Пустец настапи пред учесниците во Самитот на Берлинскиот процес во Тирана

Во Тирана се одржува Самитот на лидерите на Берлинскиот процес, на кој учествуваат лидерите на земјите учеснички во овој процес, јавува Анадолу.

Премиерот на Албанија, Еди Рама, ги пречека лидерите и другите функционери кои учествуваат на Самитот во Тирана, а работите ќе продолжат на две сесии.

На Самитот, што се одржува во просториите на Пирамидата во Тирана, учествуваат лидерите на Европската Унија (ЕУ), земјите од ЕУ и лидерите на земјите од Западен Балкан, а фокусот на Самитот е на повеќе прашања поврзани за интеграција на регионот во единствениот пазар, процесот на европска интеграција, регионалната соработка, поддршката на зелената и дигиталната транзиција во Западен Балкан и други прашања.

Лидерот на македонската партија во Албанија и пратеник во албанското Собрание, Васил Стерјовски, на Фејсбук сподели видео од македонски дечиња од Пустец кои настапија пред учесниците на Самитот на Берлинскиот процес.

– Македонската фолклорна група од областа Преспа, општина Пустец настапи пред учесниците на Самитот на Берлинскиот процес во Тирана.

Логистичка подршка за настап на фолклорната група даде општина Пустец, додека групата ја предводеше Лази Cтојани, одговорен за културата во општина Пустец. – напиша Стерјовски на Фејсбук.

ЛИНК од видеото

Share on Facebook

Tweet

Follow us

Save