INFOMAX.MK

По денешната ескалација на Украинската криза, во Инфомакс разговаравме со проф. д-р. Александар Нацев за пристапот на Македонија кон украинската криза и ставовите на нашето министерство за одбрана.

Професорот Нацев вели дека министерката Славјанка на почетокот избрза со ставовите дека ќе праќа војска, по што се повлече и изјави дека не можеме да праќаме војници – „Она што таа не требаше да го направи во таа првична фаза беше избрзувањето со такви реакции. Ние сме членка на НАТО, требаше да се почека, да се види каков ќе биде ставот на алијансата. Алијансата работи на консензус. Она што ние требаше да го направиме како земја членка е да почекаме координиран одговор од НАТО, како НАТО би се поставило кон прашањето, па потоа државите индивидуално да го повторат тој став, да го зајакнат, за да нема дискрепанца помеѓу земјите членки на НАТО“

Тој исто така вели дека е забележлива разлика помеѓу ставовите на земјите членки на Европската унија околу прашањето за санкциите – „Некои земји се за послаби санкции, некои за построги. Тоа во НАТО алијансата обично не е пример, туку одлуките се донесуваат со консензус па потоа се настапува, да се каже кој е ставот“