INFOMAX.MK

Црн чад се издига од една од двата облакодери познати како „Капитал Тауерс“ во центарот на Москава, покажува видео кое се појави на социјалните мрежи.

На местото на несреќата пристигнале итните служби. Според прелиминарните податоци, пожарот во Московскиот Капитал Тауерс започнал на покривот на зградата.

Повеќе информации за пожарот објави агенцијата РИА новости повикувајќи се на службата за итни случаи.

-На покривот на облакодерот Капитал Тауерс во близина на деловниот центар во Москва, според прелиминарните информации, се запалиле скелиња, но биле изгаснати пред пристигнувањето на спасувачите, соопшти централата на Министерството за вонредни состојби во главниот град на Руската федерација.

Во неделата вечерта се појавија извештаи за пожар во кулата во изградба. Забележано е дека пожарникарите веднаш заминале на местото по примање на повикот.

„Според прелиминарните информации, на покривот на зградата на вкупна површина од околу 1 метар квадратен гореле скелиња. Пожарот бил изгаснат пред доаѓањето на пожарникарите“, се вели во текстот на службата за итни случаи, пренесува РИА Новости.

🔥One of the "Capital Towers" burns in the center of #Moscow

Emergency services arrived on the scene of the accident. According to preliminary data, the fire at Moscow City's Capital Towers started on the roof of the building. pic.twitter.com/h5qPR3wiGp

— NEXTA (@nexta_tv) July 3, 2022