INFOMAX.MK

Британскиот платеник Ејден Еслин, кој се предаде во Мариупол, изјави дека служел во вооружените сили на Украина четири години.

Прво бил во пешадија, потоа во десант, а последните месеци ги поминал во минофрлачката единица.

Тој тврди дека кога почнала специјалната операција одбил да пука, па бил испратен да го чува контролниот пункт во близина на металуршкиот комбинат. Со него беа Мароканец, Хрват и уште еден Британец.

Платеникот уверува дека сакал да побегне кога започнала специјалната операција на вооружените сили на Руската Федерација.

„На првиот ден од операцијата му реков на командантот дека не сакам да се борам. Сакав да побегнам, но не можев поради постојаното артилериско гранатирање. Пукаа без да застанат.

Командантот ми рече дека можам да заминам кога ќе стигнеме во Мариупол. А кога завршивме во Мариупол, ни рекоа дека сме опколени, па морав да останам со баталјонот“, изјави Ејден Еслин.

Тој додаде дека лично не учествувал во воените дејствија, туку едноставно ја чувал територијата.

„Секогаш кога се зборуваше за примирје, тие не сакаа да преговараат, не преземаа чекори што би можеле да ја запрат војната, да завршат сè мирно“.

Ејден Еслин за време на испрашувањето раскажа зошто отишол да служи во вооружените сили на Украина и зошто се разочарал од режимот во Киев:

„Се борев на самиот почеток, кога Украина беше добра страна. Но, тогаш сфатив дека тие не ги донесуваат правилните одлуки кои би можеле да помогнат да се стави крај на војната…

Кога претседателот Путин потпиша декрет за признавање на ДПР и ЛПР, Украина имаше избор – да се повлече од Донбас. Но Зеленски одби“.