INFOMAX.MK

На социјалните мрежи стана вирално видеото од матурантот кој пред скопски хотел, качен врз автомобил прославува и му покажува среден прст на полицаец.

Видеото предизвика низа реакции, од кои повеќето се негативни. За случајот се огласија и од Министерството за внатрешни работи. Оттаму најавија дека младиот човек ќе го повикаат на разговор во полиција и ќе му поднесат прекршочна пријава.

„Во врска со прашањето за лицето кое недолично се однесува на јавно место, идентитетот на истиот е утврден и од страна на полициски службеници од ЕВР Карпош ќе биде повикан во полициска станица Карпош и против него ќе се поднесат соодветни прекршочни пријави“ – велат од МВР.

На видеото се гледа како матуранти прославуваат со жива музика, а еден од матурантите е качен на автомобил во движење, додека покрај возилото се наоѓа полицаец.