INFOMAX.MK

Силна снежна бура зафати неколку американски држави на југоистокот на земјата, а медиумите јавуваат дека загинале две деца, додека милион луѓе останале без струја.
За кратко време околу 30 сантиметри снег паднаа во Вашингтон, Вирџинија, Мериленд, Делавер и во јужниот дел на Њу Џерси.

⁦@capitalweather⁩ ⁦@weatherchannel⁩ ⁦@MatthewCappucci⁩ Snow globe in Pentagon City! #snowstorm #Frida pic.twitter.com/Vc0EKB6zuZ

— Alex (@wxmanAZ) January 3, 2022

Снежната бура стигна и до северот на Алабама и Џорџија, Тенеси и Северна Каролина, па дури и северозападниот дел на Флорида.
Во Бирмингем, Алабама, на првиот ден од новата година температурата била 26 степени, а сега се спуштила до степен над нулата.

Very poor visibility, bad road conditions. I just helped a guy get unstuck. Stay indoors. About 5" here in Fairfax county now. @ryanhallyall @capitalweather #vawx #snowstorm pic.twitter.com/QPZRJsHma6

— krakow (@gdkrakow1918) January 3, 2022

Седумгодишно девојче загина во Тенеси кога дрво паднало врз куќа, а слична трагедија се случила и во Џорџија каде животот го загуби петгодишно момче.

Речиси милион Американци останаа без струја.
Вирџинија е најтешко погодена, со повеќе од 400.000 домаќинства во моментов без струја.

Поради невремето од понеделникот напладне се откажани 7.200 меѓународни и домашни летови, а одложени се 10.158.
Американскиот претседател Џозеф Бајден беше завејан 30 минути во авион, во Вашингтон поради снежната бура што го погоди главниот град на САД.