(Видео) Спасовски потврди дека имало тајни средби меѓу Мицкоски и Заев

Оливер Спасовски вели дека не е навреден затоа што не бил на тајните средби меѓу Заев и Мицкоски, за кои вечерва практично потврди дека се случиле.

Новинарот Попетревски го праша министерот Спасовски дали бил навреден што тој не бил дел од групата која била на тајни средби со Мицкоски.

– Не бев на таа средба и немам зошто да бидам навреден, јас сметам дека некој во тоа време проценил дека треба да напрваи некаков тим кој ќе разовара за одредени прашања во СДСМ, тоа го направиле, разговарале заеднички и жалам што ги пренесоа тие разговори во јавноста.

На петти јануари во Струмица на ручек Ахмети сака изворно од Заев да слушне што разговарал со Христијан Мицкоски и затоа иницира средба, на која присуствувал и Оливер Спасовски.

– Јас бев на 05.01 во Струмица по повик на Ковачевски кој не присуствуваше на средбата, да бидам присутен и на покана на Заев, вели Спасовски.

Спасовски не исклучува широка коалиција меѓу СДСМ и ВМРО-ДПМНЕ, со тоа што вели дека за евентуална таква коалиција ќе одлучуваат органите на партијата.

– Јас не сакам да разговарам на претпоставени прашања и да бидам тој кој ќе носи одлуки, за ова прашање треба да се разговара во органите на партијата, каков ќе биде настапот пред или по избори, вели Спасовски.

Целата епизода на Тешки муабети и коментарите од емисијата можете да ги гледате во продолжение: