(Видео) Страшниот пожар во Родос дивее: Се евакуираат туристите

Петти ден по ред противпожарните сили  се борат со огнените јазици, а шумскиот пожар ба  грчкиот остров Родос  сѐ уште не е ставен под контрола, јави агенцијата МИА. Се евакурираат туристи.

Горат три хотели во областа Киотари во јужен Родос, кои претходно денеска беа испразнети од туристите. Пожарот на Родос гори веќе пет дена и сега е надвор од контрола.

Во евакуацијата учествуваат четири чамци на крајбрежната стража, а во готовност е и еден приватен авион.

Надлежните преку СМС пораки ги известуваат жителите да го напуштат селото Асклипио и округот Киотари, а претходно и селата Лардо и Пилона.

Поради пожарот електричната енергија е исклучена во неколку области на островот.

Денешната ситуација се смета за особено тешка поради силниот ветер.

Портпаролот на противпожарната служба на Грција Јанис Артопиос информираше дека активното жариште е во три области, а интервенираат 173 пожарникари со десет пешадиски тима, 35 возила, пет хеликоптери, три авиони, а како и пешадискиот тим од 31 пожарникар со пет возила од Словачка.

Во меѓувреме, грчките власти наредија евакуација на одредени населени места во западниот дел на Атина поради големиот пожар и силните ветришта што го разгоруваат.

Градот Лутраки, на 80 километри од Атина, е еден од најзагрозените од пожарот бидејќи пожарот го прекина снабдувањето со вода во тој крајбрежен град.

ЛИНК од видеото