(Видео) ТАГА: Загина младиот пејач Немања од „Ѕвездите на Гранд“

Пејачот и поранешен учесник на музичкото натпреварување „Ѕвезде Гранда“, Немања Вуковиќ (23) загина синоќа во страшна несреќа кај Добановице, откако во него удрил автобус и загинал на лице место.

– Немања додека возел имал незгода, имено, најверојатно поради дефект на тркалото, пејачот изгубил контрола и удрил во работ на тротоарот. По тој повод на коловозот летаат пластични делови од автомобилот, а набрзо доаѓа до судир на два автомобили кои немаат врска со возилото на Немања. Младиот пејач излегува од автомобилот за да види што се случило, а преку улицата во другата лента е полицаец кој му вели да остане со своето возило, додека не ја провери состојбата на возачите во другите две возила, кои се судриле само неколку моменти порано – вели нашиот извор близок до истрагата.

Иако истражниот полицаец го предупредил да не се оддалечува од возилото, младиот пејач од засега неутврдени причини се обидел да го претрча автопатот.

– Пејачот потоа во следниот момент, не слушајќи што му кажува полицаецот, од непознати причини се обидел да го премине автопатот кога на него налетал автобус и го усмртил на лице место – раскажува изворот за Телеграф и додава:

– Останатите двајца возачи се сослушани во станица, а против еден од нив, кој е државјанин на Украина, ќе биде поднесена кривична пријава – открива изворот.

Инаку, за страшната несреќа е известено и надлежното обвинителство, по што е наредена обдукција на телото и сите други дополнителни вештачења кои ќе помогнат во истрагата.

https://www.instagram.com/192_rs/?utm_source=ig_embed&ig_rid=72f66770-39ae-4d93-94b1-e3db2111fa25

Share on Facebook

Tweet

Follow us

Save