INFOMAX.MK

Демонстрантите во Франција, кои четири дена по ред протестираат по убиството на 17-годишник од страна на полицаец, вчера го запалија Центарот за водни спортови на Олимпијадата во Париз во 2024 година.

Судејќи според снимките објавени на социјалните мрежи, демонстрантите го запалија базенот, кој се’ уште е во изградба.

Густ чад се издигна низ небото над Водниот центар, исто така видлива на снимката.

Пожарот се проширил на блиската автобуска станица, каде се уништени 12 автобуси.

На 28 јуни избувнаа протести во неколку француски градови, откако еден ден претходно полицаец застрела тинејџер (17) од алжирско и мароканско потекло.

Демонстрантите започнаа пожари веќе првата вечер, палејќи корпи за отпадоци и автомобили, а имаше и напади врз полицијата, која потоа употреби солзавец.

Само за време на синоќешниот протест низ земјата беа распоредени 45.000 полицајци и жандарми.

Во градот Кламар, полициски час е на сила од 29 јуни, додека на некои места градскиот превоз не сообраќа по 19 часот.

Инаку, полицаецот кој пукал во тинејџерот доби кривична пријава за убиство со умисла и е во истражен затвор.

На повеќе места во Франција синоќа имаше насилни протести.

#Watch | Olympic pool under construction catches fire amid unrest in France#France #Olympics #Fire pic.twitter.com/ZXE7mMDUor

— CNBC-TV18 (@CNBCTV18News) June 30, 2023

Olympic pool under construction catches fire amid unrest in #France #FranceProtests #Olympicpool pic.twitter.com/iBUKm6na9W

— Rahul Sisodia (@Sisodia19Rahul) June 30, 2023