Владата утре ќе разгледува мерки за цените

Владата на утрешната седница ќе отвори дискусија и ќе разгледа дополнителни можности, по што ќе се заземе став за тоа кои и какви мерки ќе се преземат за ограничување на цените на прехранбените производи, на хемиските и на бебешката храна. Од владата информираат дека денеска веќе се доставени предлозите на трговците – маркетите.
Според неофицијални информации до Министерството за економија и до Владата секој трговец – маркет доставил свои предлози кои производи да бидат со намалена цена.
Поради ваквите различни и неунифицирани предлози, од Владата и од Министерството за економија, поточно само заменик министерот Марјан Ристески, оти министерот Бесар Дурмиши е во службена посета на Катар каде разговара за политичките односи меѓу Македонија и оваа држава, но и за привлекување странски инвеститори, разгледуваат две можни мерки.
Првата е намалување, а не замрзнување на дел од маржите за одредени производи, додека другата е да се намалат цените на стотина производи од 10 до 15 отсто. Оваа мерка треба да стартува најдоцна до 1 март годинава, со што ќе профункционира таканаречената „Рамазанска кошница“, а ќе заврши на после 20 април, со што ќе се реализира и најавената „Велигденска кошница“.
ПОВРЗАНИ ВЕСТИ
Владата утре ќе разгледува мерки за цените
Владата на утрешната седница ќе отвори дискусија…
Цените на мало бележат нов раст од…
Инфлацијата мерена преку индексот на трошоците на…
Нема одлука за ограничување на маржите, опозицијата…
Владата вчера не ја донесе одлуката за…
Владата ќе даде 20 МИЛИОНИ ДЕНАРИ за…
Владата распиша јавна набавка за испитување на…
Обвинение за четири лица инволвирани во изведбата…
По спроведена истражна постапка, Основното јавно обвинителство…