INFOMAX.MK

Претставници на бугарските дипломатски претставништва во Скопје и Битола во Северна Македонија, капетанијата во Охрид, општинскиот совет во градот и здруженијата на бугарската заедница во Република Северна Македонија ја одбележаа 15-годишнината од трагедијата во Охридското Езеро при што загинаа 15 бугарски туристи, откако бродот „Илинден“ потона во езерото, објави БТА.

Генералниот конзул на Бугарија во Битола, Николај Димитров се присети на трагедијата што се случи на 5 септември 2009 година во 10:30 часот. Група бугарски туристи се качуваат на бродот „Илинден“, кој превезува 57 патници од Охрид до манастирот „Свети Наум“. Бродот се превртел и потонал на околу 250 метри од брегот на езерото.

„Петнаесет наши сонародници од Пирдоп, селата Антон, Рибарица, Мирково и Златица, кои дојдоа да го видат Охрид, никогаш не се вратија дома. За нивен спомен, со соработка на општина Охрид, секоја година се собираме на ова место. Мораме да забележиме дека трагедијата ќе беше уште поголема да не беше локалното население кое веднаш пружи помош, а 35 Бугари беа спасени благодарение на брзите реакции на сите што реагираа. Ова не обврзува да се поклониме и да им се заблагодариме на морнарите Васко Маркоски и Драган Наумовски од екипажот на бродот „Александрија“ на Зоран Гилевски, на капетанот Петар Василев, на капетанот на бродот „Кристина“ Васко Јанев, благодарение на командантот на блиската армиска единица Раде Буџаковски, дежурниот Влатко Димановски и неговите војници, кои учествувале во спасувањето на Бугарите од бродот „Илинден“ што тонеше. Во нивна чест е и овој споменик. Тоа треба да потсетува на нивната филантропија, храброст, подготвеност да им помогнат на оние кои се во неволја. Емпатијата што ја покажаа овие охриѓани не обврзува секоја година да доаѓаме на овој аџилак и да сведочиме дека Бугарија памети“, изјави генералниот конзул на Бугарија во Битола, Николај Димитров.

Напоменувајќи дека не се заборавени бугарските граѓани кои ги загубија животите во несреќата, заменик амбасадорот на Бугарија во Скопје, Петар Петров, исто така изрази благодарност до учесниците во спасувањето на туристите од потонатиот брод, а присутните поставија свежо цвеќе пред на споменикот на загинатите изграден на брегот на Охридското Езеро со средства на Државниот културен институт при министерството за надворешни работи на Република Бугарија, кој беше отворен на 5 септември 2020 година.