Вучевиќ: Не се подготвуваме за војни, воениот рок е корисен за општеството

Српскиот министер за одбрана Милош Вучевиќ денеска изјави дека иницијативата за повторно активирање на задолжителната воена служба не е покрената со цел Србија да се подготви за војни и конфликти, туку дека тоа ќе биде од корист за општеството, но и за поединците кои ќе служат воен рок.

„Сметаме дека ова е нешто што е корисно за целата земја, за целото општество, а ќе имаат корист и оние момчиња кои утре ќе служат воен рок. Тие ќе се чувствуваат подобро и ќе бидат покорисни членови на општеството, на целата заедница и гордоста на целата татковина и нивните семејства“, рече Вучевиќ во изјава за медиумите во врска со иницијативата на Генералштабот на српските вооружени сили и предлогот до претседателот на Републиката и врховен командант Александар Вучиќ повторно да се воведе задолжителен воен рок.

Вучевиќ додаде дека било предложено воениот рок да трае четири месеци.

Share on Facebook

Tweet

Follow us

Save