Вучевиќ: Србија води политика со ‘рбет

Претседателот на СНС и министер за одбрана на Србија, Милош Вучевиќ, осврнувајќи се на говорот на српскиот претседател Александар Вучиќ на седницата на Генералното собрание на ОН, изјави дека најкратката дефиниција за политиката на Србија е дека таа е политика со ‘рбет, која ги почитува принципите на ОН дури и кога другите применуваат двојни стандарди.

„Претседателот на Србија, Александар Вучиќ одржа многу важен говор на седницата на Генералното собрание на Обединетите нации. Тој рече дека Србија е земја која е на пат да влезе во ЕУ, но не е подготвена да им сврти грб на пријателствата кои се градат со векови. Тоа е најкратката дефиниција за српската политика. Политика со кичма. Политика која ги почитува принципите на ОН и кога другите применуваат двојни стандарди“, се вели во изјавата на Вучевиќ, пренесува Танјуг.

Тој посочи дека е важно што Вучиќ на светскиот форум рекол дека непочитувањето на меѓународното право довело до поделба на Србија која започна во 2008 година.

Вучевиќ истакна дека е точно и дека газењето на Повелбата на ОН кога е Србија во прашање е предвесник на бројни конфликти и проблеми со кои се соочува светот денес.

Тој посочи дека најважно и најхрабро е тоа што Вучиќ рекол дека „сите што денеска извршија агресија врз Србија зборуваат за територијалниот интегритет на Украина, а ние го поддржуваме и не ги менуваме нашите принципи“. За нас секое насилство е исто“.

„Вака малата Србија им одржа лекција на моќниците. Сега многу луѓе зборуваат за територијален интегритет поради Украина, а кога станува збор за Србија, тоа се игнорира“, нагласи Вучевиќ.

Според него, важно е и тоа што можноста да се зборува на Генералното собрание на ОН била искористена и за вистината што ја зборувал претседателот на Србија, а тоа е дека сепаратистите на Албин Курти се применува голо насилство врз Србите.

„Кампањата на терор на Косово против Србите продолжува, но „големиот“ свет тоа не го интересира. На Србите им се заканува хуманитарна катастрофа, а големите вртат грб. Тешко е кога си осамен или како што би рекол Његош „слама меѓу виорот“, но на крајот Србија ќе излезе како победник бидејќи правдата и вистината се на наша страна“, потенцира Вучевиќ во објавата.

Share on Facebook

Tweet

Follow us

Save