Голем шок на изборите во Британија! Вклучен аларм откако десницата освои 4 милиони гласови: Така почна Ле Пен, чекор по чекор, а сега…

На изборите во Велика Британија немаше изненадувања, ниту некој ги очекуваше.

Кир Стармер е новиот британски премиер откако Лабуристичката партија извојува убедлива победа на изборите во четвртокот, ставајќи крај на 14-годишното владеење на конзервативците.

Според последните проекции, Лабуристичката партија освоила најмалку 412 мандати, додека конзервативците на чело со поразениот премиер Риши Сунак буквално биле нокаутирани! Тие паднаа на само 112 мандати, што е за 256 помалку од претходните избори.

Но, слави и Најџел Фараж, десничарски популист, чии реформисти според последните проекции имаат 4 пратенички места. Ова секако не е вистинската слика, бидејќи во Велика Британија изборите се прават по мнозински систем, односно по еден кандидат во секоја изборна единица.

За конзервативците гласаа околу 6,7 милиони луѓе и тие имаат 112 мандати, додека Фараж беше поддржан од повеќе од четири милиони гласачи, но тие добија само 4 места во парламентот. Лабуристичките кандидати освоија 9,7 милиони гласови, речиси два и пол пати повеќе од реформистите, но имаат неспоредливо повеќе мандати.

Поентата е очигледна. Граѓаните се повеќе го поддржуваат Фараж (60), кој доколку продолжи трендот може сериозно да го загрози статусот на Конзервативната партија. Марин Ле Пен имаше сличен политички пат, чекор по чекор, а сега нејзиното Национално собрание е единствената најсилна партија во Франција.

Британските конзервативци не се единствените големи губитници на општите избори во Велика Британија. Откако со години доминираше во шкотската политика, Шкотската национална партија што се залага за независност имаше ужасна ноќ, освојувајќи само девет места во споредба со нивните 48. Таквиот резултат е катастрофа, бидејќи тие тврдеа дека победата во Шкотска ќе биде нивниот аргумент во борбата за независност.

Share on Facebook

Tweet

Follow us

Save