Граѓаните од денеска можат да купуваат граѓански обврзници
Граѓаните од денеска можат да купуваат граѓански обврзници.По изразениот висок интерес за граѓанската обврзница од страна на јавноста, денеска е издаден проспектот на првата аукција на граѓански обврзници, која ќе се одржи на 13 јули, соопшти премиерот Димитар Ковачевски.
-Со исклучително поволна каматна стапка од 5%, граѓанската обврзница ќе им донесе навистина солиден принос на граѓаните, ќе ги заштити нивните средства од глобалните инфлаторни движења, а воедно ќе инвестираат во најсигурниот финансиски инструмент кој постои на пазарот.
Воедно, придобивките ќе бидат и општи, за целата економија и општество, како инјектирање на пари во стопанството преку јавниот сектор, фискална одржливост и борба против сивата економија.
Граѓанските обврзници се дел од развојната стратегија на Владата, преку мобилизирање на средства и поттикнување на инвестициската активност, да се придвижи економскиот раст и креира додадена вредност. – напиша Ковачевски на Фејсбук.
ПОВРЗАНИ ВЕСТИ
Ќе се ограничат маржите на 10 отсто…
Владата го задолжи Министерството за економија да…
Просечната нето плата во ноември 41.999 денари
Просечната исплатена нето плата во ноември изнесувала…
Во декември годишен раст од 12,4 отсто…
Вкупните депозити на годишно ниво во декември…
Од полноќ повисоки цени на горивата
Регулаторната комисија за енергетика донесе Одлука со…
Курсна листа: Колку чини еврото денес?
Според курсната листа на НБРМ средниот курс…