INFOMAX.MK

Поранешниот премиер и поранешен претседател на ВМРО-ДПМНЕ, Никола Груевски, упати честитка за новата година, посакувајќи им на сите добро здравје, спокојство и помалку омраза и злоба.

Во продолжение целата негова објава:

Вчера се видов со еден пријател и честитајки си ја новата 2022 година ми вели: “дедо ми викаше: да биде подобра од претходната година, биди скромен, оти ‘среќна’ ми личи преоптимистички, биди задоволен и со подобра”. Му велам: “да пробаме ние да е среќна, за да биде барем подобра”, А еден друг пријател ми вели: “среќата знае и да изненади”.
Посакувам што повеќе желби и планови да ви се исполнат, но и се потсетувам на една шеговита мисла на Ајнштајн во која вели дека ако сакаш да го насмееш Господ, кажи му ги твоите планови за следната година😄
Сепак треба да имаме желби и планови, да посакуваме и сакаме, бидејќи тие се почетокот на секое придвижување кон промени на подобро, среќа и успеси.
И конечно се присетувам на една мисла на познатиот филозоф Артур Шопенхауер во која вели дека судбината ги меша картите, а ние играме.
Но, за момент да ги оставиме овие “шегобијци” и “песимисти” на страна и да си кажеме:
Среќна нова 2022 година! Имајте добро здравје, спокојство и носете во себе што повеќе љубов а ослободете се од секаква омрза и злоба. Тоа е доволно за барем малку да се чувствувате среќни.
…и сакајте. Секогаш има причана да се сака нешто и некого. Сакањето е среќа! Поголема од да бидеш сакан. Несакањето е тага. Платон би додал: “Љубовта е во оној кој сака, а не во оној кој е сакан”.
И тука повторно “би се вмешал” Шопенхауер и би рекол дека не треба премногу да се врзувате за нешто или некого што можете да го загубите. Бидејќи ќе бидете тажни ако го загубите. “Животот е страдање. Страдањето го предизвикуваат врзувањата (за објектите, идеите, личностите, за самиот опстанок)”.
Кој и од овие две размислувања да ви се поблиски:
Бидете среќни!!! 🍷
(И не го заборавате Бог кога ќе го добиете она за што сте се молеле)