ДАЛИ Е ТОА ЗАКАНА ЗА ЗАПАДОТ? Иран лансира сателит во орбитата

Иран, користејќи трифазна ракета, денеска успешно го лансираше својот сателит „Сораја“, што треба да орбитрира на 750 километри над површината на земјата, јави денеска државната агенција ИРНА.

Американските медиуми пренесуваат дека лансирањето е дел од вселенската програма на Иранската револуционерна гарда, како цивилна вселенска програма, додавајќи дека нема независна потврда дека сателитот бил успешно лансиран во орбитата.

Западот стравува дека развојот на ракети за лансирање сателити би можел, според извештајот на американската разузнавачка заедница за глобалните закани во 2023 година, „да го скрати времето“ што му е потребно на Иран да развие интерконтинентална балистичка ракета, бидејќи користи слична технологија.

САД претходно оценија дека лансирањето на сателитот на Иран е спротивно на резолуцијата на Советот за безбедност на Обединетите нации и го повикаа Техеран да не презема никакви активности кои вклучуваат балистички ракети способни да испорачуваат нуклеарно оружје.

Санкциите на ОН поврзани со иранската програма за балистички проектили истекоа во октомври минатата година.

Share on Facebook

Tweet

Follow us

Save