Даниел Кајмакоски бил киднапиран во Белград, тврдат српски медиуми

Десетина српски портали објавија дека македонскиот пејач Даниел Кајмакоски е киднапиран во Белград, повикувајќи се на српски Курир.

Според написите, непознати лица го врзале и го возеле во неговото возило, при што од него наводно барале сума од 20.000 евра. Извор за „Курир“ тврди дека осомничените се странски државјани и дека не е исклучена можноста да станува збор за мигранти.

Киднаперите го врзале Кајмакоски и го возеле до градот Рума, каде сообраќајната полиција се обидела да ги застане, а тие удриле со возилото во банкина по што побегнале.

Засега, освен написите во медиумите нема официјална потврда од институциите или од самиот Кајмакоски во врска со целиот случај.

Share on Facebook

Tweet

Follow us

Save