Двегодишното дете што почина не можело да се оперира, велат од Министерството за здравство

„Двегодишното детето беше примено на Ургентниот центар, а поради сериозноста на состојбата беше згрижено на Клиниката за неврохирургија, на одделот за интензивна нега, се интубираше, поставено на механичка вентилација, ординирана антибиотска и антиедематозна терапија, 24-часовен мониторинг.

Интензитетот на деструкцијата на мозочното ткиво не дозволуваше хируршко лекување. И покрај максималните напори на медицинскиот тим, исходот беше трагичен, како резултат на многу тешките повреди на мозокот од страна на метално страно тело.“ велат од Министерството за здрваство по смртта на двегодишното дете пренесено на Клинички центар на новогодишната ноќ кое беше погодено во главата со метален фрагмент.

Од Министерството изразија сочувство до семејството и најблиските во овие неизмерно тешки моменти.

Апелираа до сите граѓани, новогодишните празници да се одбележуваат мирно и достоинствено, без употреба на пиротехнички средства, петарди, а особено без користење огнено оружје. Последиците од ваквото неодговорно однесување се сериозни и, за жал, можат да бидат и фатални. – велат од таму

Share on Facebook

Tweet

Follow us

Save