Денеска се празнува Светиот маченик Јакинт
Млад дворјанин на царот Трајан, потаен христијанин. Еднаш додека царот со сите свои дворјани свечено им принесуваше жртви на идолите, Јакинт изостана од оваа скверна свеченост. Затоа беше обвинет и изведен пред царот на суд. Царот го советуваше да се откаже од Христа и да им принесе жртви на идолите. Но, Јакинт остана тврд како дијамант, велејќи му на царот: „Јас сум христијанин, Христа Го почитувам, Нему Му се поклонувам и Нему Му се принесувам како жртва жива самиот себеси“. Избиен, исплукан, истружен, овој свет маченик беше фрлен во затвор. На заповед на царот не му даваа да јаде ништо, освен од идолските жртвоприноси. Но, Јакинт тоа не сакаше да го јаде и за осум дена умре. Стражарите во затворот видоа двајца светли Ангели: едниот го покриваше телото на маченикот со својата пресветла облека, а другиот полагаше прекрасен венец врз неговата глава. И сиот затвор стана светол и миризлив. Момчето Јакинт пострада чесно во 108 година.
ПОВРЗАНИ ВЕСТИ
Денеска се празнува Светиот маченик Јакинт
Млад дворјанин на царот Трајан, потаен христијанин.…
Денеска се празнуваат Светите маченици Козма и…
Лекари, бесребреници и чудотворци. Овие двајца светители…
Денес е Павловден
По Петровден денеска е големиот православен празник…
Денеска се празнува Преподобната маченичка Февронија
Ќерка на сенаторот Просфор од Рим. За…
Денеска се празнува Раѓањето на Свети Јован…
Шест месеци пред своето јавување на Пресветата…