Денес облачно и многу студено, утринските температури и под -10

Денес времето ќе биде сончево со мала до умерена облачност, многу студено и ветровито. Ќе дува умерен до засилен ветер од северозападен правец. Кон крајот на денот особено на североистокот облачноста ќе се зголеми и ќе има слаб локален снег. Минималната температура ќе биде во интервал од -13 до -3, а максималната ќе достигне од -4 до 3 степени.

Во Скопје малку до умерено облачно, многу студено и ветровито. Ќе дува умерен до повремено засилен северозападен ветер. Минималната температура ќе се спушти до -8, а максималната ќе достигне 2 степени, информираат од Управата за хидрометеоролошки работи (УХМР)

Во следните денови времето ќе биде многу студено и ветровито со умерен до засилен северозападен ветер. Денес во североисточните планински региони ќе има појава на локален снег, а утре слаб снег ќе провејува во планините на западот. Утринските температури на многу места ќе се спуштаат околу -10 степени и помалку, а дневните ќе бидат околу и под нулата. Поради ниските температури ќе има појава на голомразица.

Share on Facebook

Tweet

Follow us

Save