INFOMAX.MK

Адвокатот Јанаки Митровски на Фејсбук извести дека Законот за амнсетија за настаните од 27 април ќе биде поднесен во Собранието.

– ВМРО-ДПМНЕ ја прифати иницијативата за предлог закон за амнестија за настаните од 27 Април и ќе го поднесе предлог законот во Собрание. Првичниот наш текст е подобрен, во консултација со нас е тргната одредбата од 50% и се оди на целосно ослободување од казна.

Текстот е подобрен од страна на пратениците и со тоа што се остава можност секој амнестиран да се жали дека не прифаќа амнестија доколку е тоа негова желба со оглед на фактот дека еден до осудените јавно прокламираше дека не сака амнестија што мора да се почитува.

Јас и Пешевски апелираме до сите политички партии да го поддржат Законското решение кое НЕ навлегува во правото на осудените да си ја продолжат постапката пред Врховниот суд а воедно и не е дека лежат месец, два три туку шеста година се во затвор додека оние со употребна вредност не само што се на слобода туку се и дополнително наградени! Доста е! – напиша Митровски на Фејсбук.

Претходно во изјава за Инфомакс адвокатот Драган Пешевски посочи дека смета дека Законот ќе биде донесен и дека конечно ќе биде исправена неправдата кон осудените за 27 април.

Повеќе за иницијативата може да прочитате на линкот во продолжение: