Додик ја закајнува соработката со Орбан и Унгарија

Република Српска сака да соработува со Унгарија, изјави претседателот на Република Српска Милорад Додик за РТРС по средбата со унгарскиот премиер Виктор Орбан во Будимпешта.

Додик оцени дека оваа соработка се одвива на обострано задоволство.

Тие денеска се договорија, за сите договорени проекти и соработка да имаат поголем опфат и нов формат, да се формира заеднички Совет за следење на тие политики, со кој ќе раководат тој и Орбан.

Членот на Претседателството на БиХ Жељка Цвијановиќ изјави дека средбата со Орбан била успешна и конструктивна.

Цвијановиќ истакна дека Унгарија има разбирање за се што се случува во Босна и Херцеговина.

„Унгарија ни е многу важна. Се разбира, секогаш е добро да се има таков соговорник. Унгарија ја препозна РС како место за инвестирање. Секогаш е важно во рамките на ЕУ да имате луѓе кои можат да ги разберат можностите и тешкотиите на БиХ. Очекувам да направат нови чекори напред, кога станува збор за инфраструктурата, земјоделството. Сите овие разговори беа за тоа како да се чекори напред“, истакна Цвијановиќ.

За време на посетата на Будимпешта, Додик и Цвијановиќ, покрај Орбан, ќе се сретнат и со претседателите на Азербејџан, Србија и Турција Илхам Алиев, Александар Вучиќ и Реџеп Тајип Ердоган.

Share on Facebook

Tweet

Follow us

Save