Еврејската заедница ќе поднесе кривична пријава за бугарскиот клуб “Цар Борис Трети”: Доста се повампируваат фашистички ликови!

Претседателот на Еврејската заедница во Македонија, Пепо Леви, најави дека заедницата ќе поднесе кривична пријава за името на новиот бугарски клуб “Цар Борис Трети” кој свечено треба да се отвори на седми октомври со церемонија во Охрид.

Ова Леви го изјави за Сител ТВ, каде изјави дека Еврејската заедница остро се спротивставува на повампирувањето на ликови од фашистичкиот период на Бугарија.

– По таква една личност да се регистрира културен центар, тоа е директна провокација. Тоа е на одреден начин враќање во фашизмот. Не може фашизмот на таков начин на голема врата да се враќа во Македонија, тоа е недозволиво. Ние ќе поднесеме и кривична пријава до Обвинителството, изјави Леви за Сител.

Бугарскиот клуб, како што претходно кажавме ќе биде отворен на семи октомври, а во јавноста се појавија и специјални покани за присуство на отварањето. Претходно сее дозна дека охридскиот клуб бил отворен без позитивно мислење од Министерството за правда, но со писмена дозвола од синот на Царот Борис III, Симеон Саксобурготски, како директен наследник на царот.

Share on Facebook

Tweet

Follow us

Save