Ескобар: Охридскиот договор е можност да почнеме глобална кампања за признавање на Косово

“Повеќето земји кои се уште не го признале Косово сакаат да ја видат добрата волја на Приштина да формира Заедница на српски општини. Неопходно е за да се постигне напредок оваа година кога е во прашање кампањата за признавање на Косово“, изјави синоќа во американскиот Конгрес специјалниот пратеник на САД за Западен Балкан, Габриел Ескобар.

Синоќа во Претставничкиот дом на американскиот Конгрес се одржа рочиште за Западен Балкан, каде единствен сведок беше Габриел Ескобар, заменик помошник државен секретар на САД и претставник на САД за Западен Балкан.

Истрагата е организирана во рамките на Поткомитетот за Европа во Комисијата за надворешни работи, а со неа претседава републиканецот Томас Кин.

Токму претседавачот ја издвои темата за Косово, односно нормализацијата на односите меѓу Приштина и Белград, како и прашањето за Босна и Херцеговина, како два критични столба на американската стратегија за Западен Балкан.

Републиканецот рече дека Европската унија сè уште игра важна улога во овој регион, но дека нејзините напори се комплицирани поради фактот што пет нејзини членки не ја признаваат независноста на Косово.

На оваа седница се осврна и Габриел Ескобар, одговарајќи на прашањето на републиканецот Бил Хајзенге, за тоа како изгледа дека петте членки на ЕУ го признаваат Косово.

Тој потврди дека постојано е во контакт со тие земји и дека има различни причини, како што претпоставува, зошто се уште не го направиле тоа.

„Нашата најголема аспирација е Косово да биде членка на НАТО, ЕУ и да има место во ОН, но некои од овие земји не можат да го признаат, или поради отсуство на билатерален договор меѓу Србија и Косово, или други не сакаат да ја признаат еднострано прогласената независност, туку сакаат да видат договор за нормализација“, рече Ескобар.

Тој смета дека токму поради тоа Охридскиот договор нуди можност и, како што рече, најголема можност во последните 15 години – да започне, во крајна линија, глобална кампања за признавање на независноста на Косово.

„Тоа е една од причините зошто Охридскиот договор ни ја нуди најголемата можност во последните 15 години во партнерство со Владата на Косово да започнеме не само регионална, европска кампања, туку и глобална кампања за признавање.

Share on Facebook

Tweet

Follow us

Save