ЕУ го осуди вчерашниот напад во Ирак
Дипломатската служба на ЕУ го осуди вчерашниот напад што се случи во областа Дохук во Ирак, при што настрадаа повеќе цивили, јави дописничката на МИА од Брисел.
Нападот се случи вчера близу туристички хотел на границата меѓу ирачкиот Курдистан и Турција. Осум цивили починале, а 23 се повредени според ирачките власти, кои ја обвинија Турција за артилерискиот напад.
Анкара ги отфрла обвинувањата.
Европската Унија изрази жалење за жртвите и нивните семејства и побара истрага да докаже кој е виновен за нападот.
– Таргетирањето и убивањето цивили се спротивни на меѓународното право. Треба да се отвори истрага за да се утврди кој е одговорен за нападот и да има отчетност, соопшти дипломатската служба на ЕУ.
ЕУ им изрази солидарност на граѓаните на Ирак и ги уверува дека нејзината поддршка за стабилноста и суверенитетот на Ирак останува непоколеблива.
ПОВРЗАНИ ВЕСТИ
ЕУ исплаќа 4,2 милијарди евра финансиска помош…
Земјите од Европската унија денеска ја одобрија…
Филипче до Гир: Се сомневам во намерите…
Претседателот на СДСМ, проф. д-р Венко Филипче,…
ЕУ мобилизира дополнителна помош за борба против…
По упатеното барање за помош од Македонија,…
Ова се најзадолжените држави во ЕУ!
Долгот во еврозоната е во пораст, покажуваат…
ЕУ ќе ѝ префрли на Украина 1,5…
ЕУ ќе и префрли на Украина 1,5…