INFOMAX.MK

Кинескиот потпретседател Хан Женг во неделата се сретнал со Илон Маск во Вашингтон, објавија кинеските државни медиуми.

Во медиумите се појавија шпекулации дека милијардерот би можел да послужи како потенцијален мост меѓу администрацијата на Трамп и кинеските лидери.

Chinese Vice-President Han Zheng met U.S. business leaders, including Tesla CEO Elon Musk, in Washington. Han urged continued U.S. investment in China, emphasizing economic ties' role in fostering stable bilateral relations. Musk expressed Tesla's commitment to expanding… pic.twitter.com/IWbYEDRN3w

— Infodor (@Infodor_pk) January 20, 2025

Според државната новинска агенција Ксинхуа, Ханг се сретнал со Маск и ги „поздравил“ американските компании, вклучително и Тесла, укажувајќи им „да ја искористат можноста и да ги споделат плодовите од развојот на Кина“.

Во разговорот, кинескиот лидер ги повикал и американските компании да „дадат нов и поголем придонес за поблиски економски и трговски врски меѓу Кина и САД“.

Иако Маск сè уште не ја коментирал средбата, во извештајот се наведува дека тој му рекол на Ханг дека компанијата Тесла е подготвена да ги „продлабочи инвестициите и соработкатата со Кина“ и да одигра позитивна улога во „промовирањето на американско-кинеските економски и трговски интеракции“.

Покрај средбата со Маск, кинескиот потпретседател им се обратил и на „претставниците на американската деловна заедница, вклучително и на оние од американско-кинескиот деловен совет и Американската стопанска комора“, се додава во извештајот.

– Само што разговарав со кинескиот претседател Си Џинпинг. Разговорот беше многу добар и за Кина и за САД. Очекувам дека заедно ќе решиме многу проблеми и тоа веднаш. Разговаравме за балансирање на трговијата, фентанил, TikTok и многу други теми. „Претседателот Си и јас ќе направиме се што е можно за да го направиме светот помирно и побезбедно место“, напиша Трамп во објава на платформата Truth Social минатата недела, објави Форбс.

Кинескиот потпретседател Хан Женг се сретна и со новоизбраниот американски потпретседател Џеј Ди Венс пред инаугурацијата на Трамп, што беше опишано како позитивен чекор.

Ова ја нагласува важноста од одржување на отворени канали за комуникација меѓу Кина и клучните американски претставници.

Ваквите интеракции можат да поттикнат разбирање, без разлика дали во политичката или деловната сфера, и можат да придонесат за постабилни и кооперативни односи меѓу двете земји, гласи заклучокот од средбите на кинескиот потпретседател.

The meeting between Chinese Vice – President Han Zheng and figures like J.D. Vance and Elon Musk ahead of the Trump inauguration is a positive step. It signals the importance of maintaining open channels of communication between China and key U.S. personalities. Such interactions… https://t.co/Ez3O7nKc8e

— Zhang Heqing (@zhang_heqing) January 20, 2025