Запленети се 7.800 евра кои македонски државјанин сакал нелегално да ги изнесе од државата
![t](https://infomax.mk/wp-content/uploads/2024/07/pari-410266.png)
Инспектори од Служба за мобилни скенери спречија нелегален изнес на девизи на граничен премин Блаце во износ од 7.800 евра, откако при контрола на патник открија поголема сума непријавени девизи.
Како што информираат од Царинската управа, „лицето е македонски државјанин кој патувал со автомобил со чешки регистарски таблички. Истиот на прашање на царинските инспектори дали има нешто да пријави одговорил дека нема ништо, при што е извршена контрола на возилото каде во неговата ташна се пронајдени вкупно 9.800 евра. Согласно Законот за девизно работење на патникот му се вратени 2.000 евра, што македонски државјани можат да ги изнесат од државата без да ги пријават, а останатите се задржани“.
Против лицето е поднесена пријава за девизен прекршок.
Од Царина ги известуваат граѓаните дека при излез од државата можат да носат ефективни странски пари во износ од 2 илјади евра по лице.
Доколку изнесуваат девизи во износ од над 2 илјади евра, должни се да ги пријават на царинскиот орган со презентирање на потврда од банка или менувачница.
Девизи во вредност од над 10 илјади евра не е дозволено да се изнесуваат.
ПОВРЗАНИ ВЕСТИ
Царина заплени 30 илјади евра на ГП…
Царинските службеници од граничниот премин Богородица спречија…
Активни се пожарите во Чашка, Велес, на…
РЦУК Велес, известува дека шумски пожар на…
Запленети се 7.800 евра кои македонски државјанин…
Инспектори од Служба за мобилни скенери спречија…
Изгубено 3-годишно девојче во Неа Флогита, се…
Во познатото туристичко место Неа Флогита, Грција…
(Видео) Претседателката ќе чека новата влада да…
Сиљановска ќе почека да се формира новата…