Затворски казни за родителите на малиот монструм Кецмановиќ

Вишиот суд во Белград ги осуди Владимир и Миљана Кецмановиќ, родителите на момчето кои на 3 мај 2023 година застрела девет ученици и обезбедувањето во основното училиште „Владислав Рибникар“ и рани уште пет ученици на максимална казна за занемарување на детето.

Владимир Кецмановиќ е осуден на затворска казна од 12 години за кривично дело тешко кривично дело против општата безбедност, а за кривично дело запуштање и злоупотреба на малолетно лице на затворска казна од 3 години, па судот му изрече единствена затворска казна од 14 и пол години.
Судот во неговата затворска казна го вклучил и времето поминато во притвор.

Неговата сопруга Миљана Кечмановиќ е осудена на три години затвор поради занемарување и злоупотреба на дете. Продолжена и е забраната за приближување и комуникација со синот К.К., кој е во психијатриска установа од делото на 3 мај минатата година.
Инструкторот по стрелање Немања Маринковиќ е осуден на една година и три месеци затвор за кривично дело давање лажен исказ.
Ова е првостепена пресуда против која и одбраната и обвинителството имаат право на жалба до Апелациониот суд во Белград.

Судењето од самиот почеток беше затворено за јавноста, додека изрекувањето на пресудата беше отворено за јавноста. Образложението на пресудата, сепак, беше затворено за јавноста.
Момчето К.К., кое во моментот на ова дело сè уште немало 14 години и затоа не одговарало кривично, пукало во училиште со два пиштоли на татко му кои ги зел на 1 мај минатата година. Кобниот ден ги ставил во ранец, отишол на училиште и на првиот час уби 10 луѓе, а повредил уште пет деца и наставник по историја.

Share on Facebook

Tweet

Follow us

Save