За првпат во Македонија изваден тумор од рамо на 16-годишна пациентка
![t](https://infomax.mk/wp-content/uploads/2024/06/рамо.jpg)
Вчера се испиша ново поглавје во историјата на ортопедската онкологија на Универзитетската клиника за ортопедски болести во Скопје. Тимот предводен од Проф. д-р Милан Самарџиски ја изведе за прв пат во нашата држава операцијата на отстранување на тумор од рамото на 16 годишна пациентка, во ист акт туморот беше изваден, коската зрачена на Клиниката за онкологија и радиотерапија и повторно вратена кај пациентката (реимплантирана). Позади сите успешни интервенции стои тимот па така и во овој случај предоперативната подготовка и радиодијагностика ја спроведе Др. Ивана Панчевска, тимот хирурзи: Проф. д-р Милан Самарџиски, др. Теодора Тодорова, Проф. д-р. Лазар Тодоровиќ, Др. Златко Алексовски,др. Индрит Капроли, Др Марио Младеновски. Тимот од Клиниката за онкологија и радиотерапија, Тим на медицински физичари кои учествуваа во подготовка и озрачување на коската:
доц. д-р Душко Лукарски (специјалист по медицинска нуклеарна физика)
Александар Атевиќ (специјалист по медицинска нуклеарна физика)
Милена Теодосиевска Дилиндарски (специјалист по медицинска нуклеарна физика), Радијациони онколози: проф. д-р Игор Стојковски (специјалист по радиотерапија и онкологија), д-р Маја Иванова (специјалист по радиотерапија и онкологија), Анестезиолошкиот тим предводен од Проф.д-р Јасминка Нанчева, др. Игор Трпковски и м.с Злата Апостолоска, тимот инструментарки предводен од м.с Сузана Пејчиновска, Биљана Тројановиќ, Валентина Стојчевска и Оливера Лазаревска. Посебна благодарност и до тимот на патолози предводен од Проф. д-р Славица Костадинова Куновска и др. Тамара Ангеловска, како и васкуларниот хирург Доц. д-р Никола Граматниковски. Се надеваме дека ќе продолжи трендот на воведување на нови хируршки интервенции во ортопедската онколошка хирургија и со тоа во иднина да се намали бројот на пациенти кои се лекуваат во странство. На пациентката и посакуваме побрзо опоравување и враќање на секојдневните активности. Пациентите се главната инспирација и мотивација, а тимот е клучот до успехот!
ПОВРЗАНИ ВЕСТИ
Тешка кражба во Скопје
Основното јавно обвинителство Скопје поведе постапка против…
(Видео) ЕКСКЛУЗИВНИ ДЕТАЛИ ЗА СКАНДАЛОТ НА СКОПСКИОТ…
Во вечерашната вонредна епизода на „Тешки муабети“…
(Видео) Андов: Ќе тужам за незаконското разрешување…
Ќе тужам поради незаконското разрешување од позицијата,…
Се намалува цената на парното во Скопје
Од први август скопјани ќе плаќаат пониска…
Денеска ќе знаеме колку ќе поскапи парното…
Регулаторната комисија за енергетика (РКЕ) денеска на…