За само четири часа казнети 246 пешаци

Сообраќајната полиција вчера во периодот од 9 до 13 часот спровела акциска контрола на пешаци во повеќе места низ земјата, при што на 246 пешаци им биле изречени казни. Од МВР велат дека и во наредните денови ќе се организираат сообраќајни контроли и апелираат до пешаците да не минуваат улица надвор од пешачки премин или додека е црвено светло на семафорот за пешаците, бидејќи ќе бидат казнети.

Казни им се изречени на 195 пешаци за небезбедно преминување на улица надвор од пешачки премин, на 27 за преминување на улица на црвено светло за пешаците.

Најмногу казни се изречени на територијата на СВР Велес – 51, на територија на СВР Тетово – 50, потоа 35 казни на територија на СВР Скопје, а казнети се пешаци и во други места,.

За време на контролата регистрирани се и 107 останати прекршоци.

Засилените сообраќајни контроли продолжуваат и во наредните денови, велат од МВР и апелираат до граѓаните да ги почитуваат сообраќајните правила и прописи.

Share on Facebook

Tweet

Follow us

Save